Yunfan

赖云帆

语言学博士生

你好嘛,我个名叫做赖云帆。我宜家喺巴黎第三大学读紧语言学博士。我研究嘅语言叫做绰斯甲语(之前叫拉坞戎语)嘅俄热话,佢係嘉绒语组嘅语言。业余生活方面,我係阿仙奴嘅拥趸,阿仙奴同热刺係宿敌。我觉得人同埋其它动物一样,通过几百万,甚至乎对于有啲动物嚟讲,係几十亿年嘅进化而成,根本冇高低上下之分。

用Google Chrome 或者 Safari 浏览器可以达到最佳嘅效果。

喺2010嘅夏天,我开始咗人生第一次嘅田野调查,亦都係我第一次踏入嘉绒藏族嘅聚居地。嗰度啲人讲嘅汉语係西南官话,话时话我都嘥咗唔少心机去习惯。当地藏族人讲嘅语言就更加唔使讲啦,可能成世都学唔识。

语言学田野调查嘅第一个目的就係记录语言,从最基础嘅音系研究,到到传统故事中句子嘅分析都要做到。咁我一开始就係录低咗好多短故事,叫我嘅藏族合作伙伴帮我逐个逐个字解释出嚟。最后我希望出一本文法,一部字典同埋一本故事集。

搵到合适嘅人选来同我合作查实一啲都唔容易。好彩我识到仁迪她姆。佢好叻女,自己嘅母语同埋普通话都讲得好好。所以同佢合作得非常愉快。除咗科学方面,田野调查仲可以令到我认识、了解唔同嘅人同文化。

我嘅田野调查係由 东亚语言研究所同埋MEXT/JSPS Overseas Fieldwork Grant赞助嘅。

有时火狐浏览器唔可以正常加载呢个页面, 点击呢度直接睇

我电邮:呢个网站嘅域名,at,gmail,点,com